Нұр-Сұлтанда із-түзсіз жоғалып кеткен 19 жастағы қыздың денесі табылды

22.09.2021, 17:06 turkystan.kz

Ол 19 қыркүйек күні сағат 11.00-де үйден шығып, сол күйі қайтып оралмаған. Полицияға анасы арыз берген. «Соңғы рет қызды Бараев көшесіндегі көпірден көрген. Іздеуге сүңгуірлер тобын тарту туралы шешім қабылданды», – деп түсіндірді құқық қорғау органдары. 22 қыркүйек күні сағат 11.20-да полиция қызметкерлері мен ТЖМ жедел-құтқару жасағы Есіл өзенінен қыздың мәйітін тапты. «Аталған факті бойынша қылмыстық іс қозғалып, сот-медициналық сараптама тағайындалды. Оқиғаның мән-жайы анықталуда», – деп толықтырды полиция.