Атырауда 4 айлық сәбиін 38 жерден пышақтаған келіншекке қатысты сот үкімі шықты

26.11.2021, 13:48 astanatv.kz

Атырауда 4 айлық сәбиін 38 жерден пышақтаған әйелге  қатысты сот үкімі шықты. Сотта қатыгез ананың  бұл жантүршігерлік  қылмысты   есі дұрыс емес күйде жасағаны дәлелденген. Енді ол жазасын темір тордың ар жағында өтемейді.  Психикалық  стационарда мәжбүрлі түрде емдеуге жіберілді. Үкімді тыңдауға сотталушының  туыстары  келген жоқ.  Күйеуі мен жақындары онлайн арқылы тыңдады. Ал өзі Атыраудағы психикалық денсаулық орталығында емделіп жатыр. Сондықтан тергеуге де, сот процесіне де қатысқан жоқ.