Алматыда такси жүргізушісін клиенттер пышақтап, көлікті айдап кеткен

16.03.2022, 09:52 almaty-akshamy.kz

Toyota Camry көлігімен такси қызметін ұсынған алматылыққа шабуыл жасалды. Оқиға биыл 12 наурызға қараған түні Түрксіб ауданында болған. Жүргізушінің таныстары бұл жайлы әлеуметтік желілерде баяндаған, деп хабарлайды Almaty-akshamy.kz ҚазАқпаратқа сілтеме жасап. «Тапсырыс түскен. Клиенттерді әуежайға апару керек болған. Жүргізуші шақырған орынға келген, шабадандар мен сөмкелері бар адамдарды көлікке отырғызған. Бәрі тыныш отырған, көлік Шығыс айналма жолымен жүрген. Содан кейін жүргізуші Бұқтырма көшесіне бұрылған. Экобекет маңында клиенттер «Нұршашқан» шағынауданы арқылы жүруін сұраған. Олар жолда көлікті тоқтатуын өтініп, сол кезде клиенттердің бірі жүргізушіге 6-7 рет пышақ сұғып алған.