Шекараны заңсыз кесіп өтіп, есірткі тасымалдаған шетелдіктер сотталды

25.03.2022, 09:01 aikyn.kz

Былтыр қазан айында Шекара қызметі мен ҰҚК Маңғыстау облысы бойынша департаменті Каспий теңізі су айлағындағы бірлескен іс-шаралар барысында Қазақстан Республикасының Мемлекеттік шекарасын қасақана заңсыз кесіп өткені үшін екі шетел азаматы бар «Амур» типті шағын кемені ұстады. Олардан салмағы 14 келі апиын, 8 келі гашиш және метадонның 29 пластинасын тәркіледі. 2021 жылғы желтоқсанда ұсталғандардың бірі 392-баптың 1-бөлігі (Қазақстан Республикасының Мемлекеттік шекарасын қасақана заңсыз кесіп өту) бойынша кінәлі деп танылып, 5 жыл мерзімге ҚР шегінен шығарумен 6 айға бас бостандығынан айырылды. Биыл 10 наурызда Мамандандырылған ауданаралық сот екінші шетелдікті Қылмыстық кодекстің 286-бабы 4-бөлігі, 297-бабы 3-бөлігі 1, 3-тармақтары және 392-бабы 1-бөлігі бойынша кінәлі деп таныды.