"Қорыққан дүние болды": Павлодар облысында із-түссіз жоғалған ер адамның мәйіті табылды

17.05.2022, 06:37 paryz.kz

Жас жігіттің өлімі туралы павлодарлық еріктілер Instagram парақшасында хабарлады. "27 сәуірге қараған түні жұмбақ жағдайда жоғалып кеткен Дархан Байтоқ өлі табылды. Осымен бітті. Өкінішке орай, біз қорыққан дүние болды", – деп жазды "VITA" жасағының еріктілері. Жігіттің өлімі туралы ақпаратты Павлодар облысының полиция департаментінің баспасөз қызметі растады. "Полиция қызметкерлері із-түссіз жоғалған азаматтың мекен-жайын анықтау бойынша жедел-іздестіру шараларын жүргізу кезінде қамыс арасынан Дархан Байтоқтың денесін тапты. Қазіргі уақытта мәйіт сот-медициналық сараптамаға жіберілді, оның қорытындысы бойынша процессуалдық шешім шығарылды", - деді ведомствоның баспасөз қызметі.