Жамбыл ауданында балық қырылды

15.08.2022, 10:29 petropavltv.kz

Жамбыл ауданындағы Соленое көлінде балық қырылды. Су жәндіктерінің неден өлгенін білу үшін шілденің 20-ы көлге экологтар мен басқа да мүдделі мемлекеттік орган мамандары барған. Жұмыс тобы көлдің жағасын зерттеп, нәтижесінде тұқы, мөңке сынды 400 келі балықтың  қырылғанын анықтаған. Зертханалық талдау жүргізу үшін су сынамалары, сондай-ақ өлекселердің ұшасы алынды. Айта кету керек, көл  «Водолей-2017»ЖШС-не жалға берілген. Бірер күн бұрын осы аудандағы Табунное көлінде де балық қырылған еді, әзірге талдау қорытындысы шыққан жоқ. Жалпы,  бүгінгі күні облыста 501 су айдыны бар. Соның 320-ы жалға беріледі.