Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Алматыда өрт сөндірушілер 2 жасар қызды құтқарып қалды

inform.kz

Алматыда өрт сөндірушілер 2 жасар қызды құтқарып қалды

Спортшы Бостандық ауданының өрт сөндірушілеріне арнап жазба қалдырды. Айтуынша, олардың жедел іс-қимылдарының арқасында екі жасар мүгедек қыз бала мен бір жанұя тұтас аман қалды. «Спорт залға кіріп бір сағаттай жаттығып шыққанымызша қасымыздағы пәтер өртеніп, біздің өрт сөндіруші батырларымыз отты толық сөндіріп, екі жасар мүгедек баланы және бір жанұяны құтқарып қалыпты. Өрт шыққан пәтердегі азаматтар, ысқа тұншыққаннан ба, ұйықтай берген. Егер өрт сөндіруші батырларымыз келмесе, екі жанұя қайғылы жағдайға ұшырар ма еді ? Екі жасар мүгедек баланы өрттен аман алып шыққан жігіт Алматы қаласы, Бостандық ауданының өрт сөндіруші маманы Әділ Еркінұлы. Бастарын бәйгеге тіккен батыр жігіттердің еңбегі бағаланса екен»,- деп жазды ол Instagram парақшасында. Қалалық ТЖД баспасөз қызметінің хабарлауынша, төтенше жағдай 24 қараша күні сағат 10:31-де Бостандық ауданы, Кекілбайұлы көшесі, 129/3 мекенжайы бойынша орналасқан үйде болған. Өрт сөндірушілер оқиға орнына 6 минутта жеткен. Белгілі болғандай, 3-ші қабаттағы пәтерлердің бірінің балконынан шыққан өрт бөлмеге тарап үлгерген. «Улы қара түтін тұрғындарды эвакуациялау жолдарын бөгеп тастады. Қызыл жалын жоғарғы қабаттағы пәтерге таралу қаупін тудырды. Пәтерде кішкентай бала қалып қалғаны туралы ақпарат келіп түсті. Барлау жүргізу барысында МӨС-1 Өрт сөндіруші-құтқарушысы Әділ Дәуренқұлов қолда бар тыныс алу органдарын қорғау құралдарын пайдалана отырып, төртінші қабаттағы пәтерден екі жасар қызды шығарды. Жедел жәрдем бригадасы қарап тексергеннен кейін бүлдіршін ата-анасына аман-есен табысталды»,- деп хабарлады ведомстводан.
  • Соңғы
Басқа жаңалықтар

Күнделікті жаңалықтар

Бүгін,
29 наурыз 2024