Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Ресейлік сарбаз әскери бөлімде граната жарып, үш кісі өлді, 16 адам жараланды

azattyq.org

Ресейлік сарбаз әскери бөлімде граната жарып, үш кісі өлді, 16 адам жараланды

Ресейдің Белгород облысындағы Тоненькое хуторы аумағында орналасқан әскери бөлімде сарбаз граната жарып жіберген. Салдарынан сол жердегі оқ-дәрі жарылып, өрт шыққан. "Интерфакс" агенттігі үш жауынгер қаза тауып, 16 адам жараланды деп хабарлады. Тағы сегіз адам хабар-ошарсыз кеткен. Граната жарған адамның өзі тірі қалған, ол қазір ауруханада жатыр.Baza телеграм-каналының дерегінше, бұрынғы мәдениет үйінде орналасқан әскери бөлімдегі жарылысты взвод командирі жасаған. Ақпаратта оның аты-жөні айтылмайды, Свердлов облысының тумасы екені ғана белгілі. Қаза тапқандар мен зардап шеккендердің бәрі Ресей армиясы қатарына мобилизация бойынша алынғандар."Интерфакс" агенттігі төтенше қызметтен алған ақпаратқа сүйеніп, сарбаз РГД-5 әскери гранатасын абайсызда жарып алған деп хабарлады. Ал Baza болса, ол адам гранатамен "қарамағындағыларға сес көрсетпек болған" деп жазды.Ресей қорғаныс министрлігі де, өзге ресми орындар да әзірге бұл оқиғаға байланысты ешқандай түсініктеме берген жоқ.Былтыр қазанда Белгород облысындағы полигонда екі жауынгер (екеуі де Тәжікстан азаматы, Ресей билігі олар өз еркімен армияға қосылған дейді) өзге сарбаздарға оқ жаудырған еді. Ресми дерек бойынша, 13 адам қаза тапқан, арасында оқ атқан екеуі де бар. Ресей қорғаныс министрлігі ол оқиғаны "теракт" деп атаған.
  • Соңғы
Басқа жаңалықтар

Күнделікті жаңалықтар

Бүгін,
28 наурыз 2024