Иерусалимдегі синагога маңында теракт жасалып, 7 адам қаза тапты

28.01.2023, 06:30 ktk.kz

Аталған мәліметтерді Израиль полициясының баспасөз қызметі жариялады. «Иерусалимдегі террористік акт: бүгін кешкісін жергілікті уақыт бойынша сағат 20-30-дар шамасында террорист Иерусалимде Неве-Яаков бульварындағы синагогаға келіп, жақын арадағы адамдарға оқ жаудырған. Полиция бірден оқиға орнына жетіп, террористің орналасқан жерін анықтап, оған қарай оқ атты. Террорист қолға түсті»,-делінген полицияның Twitter парақшасындағы хабарламада. «Еш кінәсі жоқ 7 адам мерт болды, көптеген адам жарақат алды»,-делінген хабарламада. Осыған дейін The Jerusalem Post пен израильдің өзге де басылымдары 8 адамның қаза тапқаны туралы хабарлады. Полиция болған оқиғаны теракт деп бағалады. Бізді Youtubе-та қараңыз!Бізді Facebook-та, Instagram-да, Telegram-да оқыңыз!