Украинаның Краматорск қаласында көпқабатты тұрғын үйге ракета құлады

02.02.2023, 04:46 azattyq.org

Украинаның Донецк облысы Краматорск қаласының орталығындағы көпқабатты тұрғын үйге ракета құлап, кемінде үш адам опат болды. 20 адам жараланған. Үйінді астында адамдар қалған болуы мүмкін. Бұл жөнінде Донецк облысы әскери әкімшілігі хабарлады.Донецк облысы полициясының мәліметінше, Ресей әскері "Искандер-К" ракетасымен атқылап, кемінде сегіз көп қабатты тұрғын үй" бүлінген.Украина президенті Владимир Зеленский Краматорскіге соққыны "территория жағынан зұлымдықпен шектесіп жатқан елдің басындағы ахуал" деп атады.Ресей жағы атқылауға түсініктеме берген жоқ.Краматорск қаласы қазір украин әскерінің бақылауында. Бірақ қала қазір маңында кескілескен шайқас жүріп жатқан Бахмут қаласынан ондаған шақырым жерде орналасқан.Былтырдан бері Ресей әскері Украина қалаларын осылайша ракетамен атқылап келеді. Былтыр наурызда Ресей армиясы Мариупольдегі драма театрды бомабалап, шамамен 300 адам мерт болған. Сәуірде Краматорск вокзалына жасалған ракета соққысынан 50 адам опат болды. Шілдеде Часов Яр қаласындағы көп қабатты тұрғын үй атқылауға ұшырап, 27 адам қаза болды. Тамызда Украинаның Тәуелсіздік күні Ресей Днепропетровск облысында Чаплино темір жол станциясына ракета соққысы жасалып, 25 адам мерт болған.БҰҰ мәліметінше, соғыс басталғалы бері Украинада кемінде 7 мың бейбіт тұрғын опат болған, 400-і – бала. Ұйым бұл толымды дерек емес, қаза болғандар бұдан да көп болуы ықтимал дейді.