Алматыда тағы 2 автобус соқтығысты

02.02.2023, 08:47 almaty-akshamy.kz

Алматыда екі автобус соқтығысып, 6 адам жарақат алды, деп хабарлады Almaty-akshamy.kz. Halyq Uni-не сілтеме жасап. Бүгін сағат 08:30-да Әл-Фараби даңғылында, Жароков көшесінің батысына қарай екі қоғамдық көлік соқтығысты. Жергілікті полиция қызметі кезекші бөлімінің мәліметі бойынша, 31-бағыттағы Yutong қоғамдық көлігінің жүргізушісі даңғылмен батыс бағытта келе жатып, арақашықтықты сақтамау салдарынан аялдамада тұрған 116-бағыттағы SAZ қоғамдық көлігімен соқтығысқан. Алдын ала мәлімет бойынша, 6 адам дене жарақатын алған. Жол-көлік оқиғасы дерегін Бостандық аудандық ПБ-ның қызметкерлері өндіріске қабылдады. Еске сала кетсек, Алматыда бұған дейін де екі автобус соқтығысып, бір адамның қаза тапқанын жазған болатынбыз.