Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Атырауда кәсіпкерден 2 млн теңге бопсалаған блогер ұсталды

ktk.kz

Атырауда кәсіпкерден 2 млн теңге бопсалаған блогер ұсталды

Атырау облыстық полиция департаментінің баспасөз қызметінен мәлім еткендей, қазіргі кезде сотқа дейінгі тергеу басталған.

«Атырау қалалық полиция басқармасының қызметкерлері 26 жастағы блогерді ұстады. Блогер жеке кәсіпкердің қызметін бейнежазбаға түсіріп, ақша берсең әлеуметтік желіге жүктемеймін және құзырлы органдарға хабарламаймын деп, одан 2 млн теңге бопсалаған. Күдікті ақпан айы басталғалы кәсіпкердің иелігіндегі азық-түлік сататын маркеттің қызметін бірнеше мәрте бейнежазбаға түсірген, тауар салынған сөрелерін ақтарып, шу шығарған. Тегін азық-түлік алу үшін 47 мың теңгені құрайтын тауардың ақысын төлемей кеткен. Блогердің сот ғимаратының қызметтік бөлмесіндегі киім қалтасынан 20 мың теңге ұрлағаны анықталды», - деп хабарлады департаменттің баспасөз қызметі.

Қазір күдікті қамауға алынды. Оған қатысты ұрлық және бопсалау дерегімен сотқа дейінгі тергеу амалдары жүріп жатыр.

«Күдіктінің өзге де қылмысқа қатысын тексеру басталды. Осыған байланысты қандай да бір ақпаратты білетіндер мен куә болғандардың 102 арнасына хабарласуын сұраймыз», - деп мәлім етті департаменттің баспасөз қызметі.

Дереккөз: Kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!

  • Соңғы
Басқа жаңалықтар

Күнделікті жаңалықтар

Бүгін,
19 сәуір 2024