Суға батқанды құтқарамын деп ажал құшты

06.08.2024, 11:15 kaz.365info.kz

Ақтөбе облысында үш бала суға кетіп, оларды құтқармақ болған ер-азамат та ажал құшты Ақтөбе облысында үйрекке қызыққан үш бала өзенге батып кетті. Қос құлыны мен туысының бір баласын құтқармақшы болған 39 жастағы азамат та суға тұншығып ажал құшты. Марқұм екі баласымен Атыраудан Әйтеке би ауданындағы Жүргенов ауылына қонаққа келген. Ертесіне түс ауа балаларымен бірге жақынының қызын ертіп суға түсуге барады. Жағалауда жүзіп жүрген үйрекке қызыққан балалар өзенге тұра ұмтылыпты. Сол бойда жел тұрып оларды тереңге қарай алып кеткен. Құтқармақшы болған атыраулық та суға кетті. «Үш бала үйректердің жүзіп жүргенін көреді. Сол үйректерге жүгіріп кетеді де, үш бала суға бата бастайды. Оны көрген 1985 жылы туған Атырау облысының азаматы құтқаруға жүгіреді, өкінішке қарай, құтқарамын деп, өзі де суға кетті», – дейді Ақтөбе облысы ТЖД басқарма бастығы Иса Байтұрсынов.