Дағыстанда жоғалған қазақстандық туристің мәйіті табылды

07.08.2024, 08:43 kaz.365info.kz

Отбасымен бірге Дағыстанға қыдырып барған 47 жастағы қазақстандықтың денесі үш күннен кейін табылды. Марқұм сапбордтан Каспий теңізіне құлаған. Исламның денесі төртінші күні табылып, судан шығарылды. «Қайғылы оқиға 3 тамызда Дағыстанның Избербаш қаласында болды. Сапбордпен келе жатқан ол тақтайшаға соқтығысқан. Салдарынан 6 адам зардап шекті: құтқарушылар төртеуін судан шығарды, біреуі жағаға өз бетімен шықты. Өкінішке орай, бір адам суға батып кетті. Іздестіру-құтқару жұмыстары аяқталды», – деп жазды Ресейдің Төтенше жағдай министрілігі.