Алматыда Lenovo компаниясы директорының мәйіті табылды

11.10.2024, 07:54 kaz.365info.kz

Алматы облыстық полиция департменті баспасөз қызметі із-түзсіз жоғалған Lenovo компаниясының мемлекеттік органдармен өзара іс-қимыл жөніндегі директоры Ермек Жақыпжановтың өліміне қатысты түсінік берді. Ер адам 9 қазан күні таңертеңнен бері байланысқа шықпаған. «10 қазанда Іле ауданы Өтеген батыр ауылының шетінде зорлық-зомбылықпен өлтірілген, бір күн бұрын Алматыда хабар-ошарсыз кеткен 42 жастағы ер адамның мәйіті табылды. Кісі өлтіру фактісі бойынша полиция қылмыстық іс қозғады», – деді полиция. Белгілі болғандай, Ермек Жақыпжанов – Lenovo компаниясының Қазақстандағы, Тәжікстандағы және Түрікменстандағы мемлекеттік институттармен жұмыс жөніндегі директоры болып жұмыс істеген. Қазір қылмыстың барлық мән-жайы мен себебін объективті зерттеу үшін тергеу жүргізіліп жатыр.