Алаяқтар Шерзаттың әкесінің атынан ақша жинаған

14.10.2024, 08:25 kaz.365info.kz

Талғарда кісі қолынан қаза тапқан 16 жастағы Шерзат Полаттың әкесінің атынан жалған парақшалар ашылып кеткен. Олар өз реквизиттерін ұсынып, халықтан ақша жинамақшы болған. Бұл туралы Шерзаттың әкесі желіде видеоүндеу жолдады. Әлеуметтік желіде Шерзаттың атына justice_for_sherzat атты парақша ашылды. Бұл парақшаны ашудың басы-қасында марқұм Салтанат Нүкенованың ағасы Айтбек Амангелді бар. Ол Шерзаттың әкесінің атына ашылған парақшалардың жалған екенін айтты.