2,5 млн теңге пара алып жатқан жерде ұсталды

09.01.2025, 06:20 kaz.365info.kz

Ұлытау облысы экология департаментінің басшысы 2,5 млн теңге көлемінде пара алып жатқан жерінен ұсталды. Шенеунік кәсіпкер еш кедергісіз құжат бергені үшін осындай сома талап еткен. Шенеунік сот санкциясымен қамауға алынды. Тергеу шаралары аясында іске қатысы болуы мүмкін басқа да азаматтар тексерілуде. «2024 жылдың 26 тамызында күдікті бизнесті қорғау жобасы аясында кәсіпкерлік қызметке араласқаны үшін әкімшілік жауапкершілікке тартылған болатын. Ол кәсіпкерге қоршаған ортаны қорғау жөніндегі іс-шаралар жоспарының орындалуы туралы тоқсан сайынғы есеп беру туралы заңсыз талаптар қойған», – делінген құзырлы орган таратқан хабарламада.