Семейде пойыз астына түсіп кеткен әйел көз жұмды

15.04.2025, 07:31 kaz.365info.kz

Семейде қайғылы жағдай болды. 14 сәуір күні сағат 16:30 шамасында теміржол өткелінде бір әйел адам жүк пойызының астына түсіп, оқиға орнында көз жұмды. Бейнебақылау камерасынан алынған жазбада әйелдің қозғалыссыз тұрған пойыздың астынан өтпек болғаны байқалады. Алайда пойыз дәл осы сәтте қозғалып, әйелді басып кеткен. Куәгерлер дереу көмекке ұмтылып, әйелді пойыз астынан шығарып алғанымен, ол алған ауыр жарақатынан оқиға орнында жан тапсырды.