Павлодар тұрғыны 8 жылға жүргізуші куәлігінен айырылды

21.04.2025, 06:47 kaz.365info.kz

Павлодарда Mercedes-Benz жүргізушісі медициналық тексеруден бас тартқаны үшін 8 жылға жүргізуші куәлігінен айырылды. Бұл туралы облыстық полиция департаменті хабарлады. Мәшһүр Жүсіп көшесінде тоқтатылған көліктің жүргізушісі тәртіп сақшыларын көре сала көліктен түсіп, қашуға әрекеттенген. Ал жолаушы болса, полиция жұмысына кедергі жасап, оған көмектеспек болған. Жүргізуші медициналық куәландырудан өтуден бас тартып, полиция талабына бағынбаған. Осыған байланысты әкімшілік хаттама толтырылып, іс сотқа жіберілген. Сот шешімімен ер адам 8 жылға жүргізуші куәлігінен айырылып, 15 тәулікке қамауға алынды.