Жанар Ақаев: Қазақстан мен Қырғызстан ескі саясаткерлерден шаршаған

29.04.2020, 13:56 azattyq.org

Қазақстан парламенті коронавирус пандемиясына байланысты енгізілген карантин кезінде қоғам үшін маңызды бірнеше заң жобасын жылдам талқылап, мақұлдап үлгерді. Олардың арасында Қазақстан президенті Қасым-Жомарт Тоқаев өзгертуге уәде берген бейбіт митингілер, сайлау және саяси партиялар туралы заңдар бар. Әділет министрі мәжіліс депутаттарына таныстырған жобаларда сайлау кезінде партиялық тізімдегі ["Сайлау туралы" заң] әйелдер мен жастардың үлесін 30 пайызға жеткізу және партияны тіркеу үшін қажетті ["Саяси партиялар туралы" заң] 40 мың адамның орнына 20 мың адамның қолын жинау көзделген.