Алматыда қонақ үй өртке оранды

27.05.2020, 11:31 baq.kz

Алматы, BAQ.KZ. Алматыдада қонақ үй өртеніп жатыр. Бұл туралы ТЖД-ның баспасөз қызметі хабарлады. Департамент таратқан мәліметте Жетісу көшесі 46/6 мекенжайында қонақ үйдің өртке оранғаны айтылады. Алдын ала мәлімет бойынша, 3 қабатты қонақ үй кешенінің төбесінен түтін будақтай бастады, өрт сөндірушілер жіберілді, - делінген хабарламада. Желі қолданушылары оқиға орнынан видео тарата бастады. Кадрдан кешеннің шатыры өртенгенін және сымдардан от ұшқындары шығып жатқанын көруге болады.