Жалғас Жұмағұлов UFC-те өткен алғашқы жекпе-жегінде жеңілді

12.07.2020, 11:10 baq.kz

Нұр-Сұлтан, BAQ.KZ. Абу-Дабидегі Яс аралында UFC 251 турнирі өтіп жатыр, деп жазады Prosports.kz . Аталған кеш аясында қазақстандық файтер Жалғас Жұмағұлов көпткен күткен UFC-дегі дебюттік кездесуін өткізді. Отандасымыздың қарсыласы 24 жастағы бразилиялық спортшы Раулиан Пайва болды. "Сарбаздар аралында" өткен жекпе-жек толық үш раундқа жалғасып, бразилиялық спортшы жеңіске жетті. Ең жеңіл салмақтағы жекпе-жек үш раундқа есептелген. Төрешілердің шешімімен Жалғас Жұмағұлов ұтылды. Осылайша, Жалғас Жұмағұлов UFC турнирін сәтсіз бастады, кәсіби карьерасында төртінші рет жеңілді. Раулиан Пайва жиырмасыншы рет жеңіске жетті, оның UFC-тағы деңгейі— 2-2.