Денсаулық сақтау вице-министрі Олжас Әбішев қамауға алынды

02.08.2020, 10:06 turkystan.kz

Бұл ақпаратты Қазақстан Республикасы Қаржы министрлігінің Қаржы мониторинг комитеті растады, – деп жазды ҚазАқпарат. «Бюджет қаражатын жымқырды деген күдікпен Қазақстан Республикасы Денсаулық сақтау вице-министрі Олжас Әбішевті Экономикалық тергеу қызметі қызметкерлері қамауға алды», – деді комитеттен. Тергеу амалдары жүргізілуде. Қылмыстық іс жүргізу кодексінің 201-бабына сәйкес сотқа дейінгі тергеп-тексерудің мәліметтері жария етілмейді. Айта кетсек, Олжас Әбішев 2018 жылы денсаулық сақтау вице-министрі болып тағайындалған. Ол цифрландыру және ақпараттық қауіпсіздік мәселелеріне жауап берді.