Алматыда өкпесі 90% зақымданған жүкті әйел босанды

04.08.2020, 22:46 inform.kz

АЛМАТЫ. ҚазАқпарат – Алматылық дәрігерлер өкпесі 90% зақымданған жүкті әйелді аман-есен босандырып алды, деп хабарлайды ҚазАқпарат тілшісі. Алматы қалалық денсаулық сақтау басқармасының хабарлауынша, 2 шілде күні Алматы қаласындағы №2 перзентханаға 23 жастағы әйел жүктіліктің 38 аптасында жоспарлы түрде босануға келген. «Ол перзентханаға жоғары температура, жөтел және ентігумен түсті. Науқасты тексеру кезінде дәрігерлер COVID-19, екі жақты полисегментарлы пневмония диагнозын қойды. Сонымен қатар, тексеру барысында науқастың өкпесінің 90% зақымданғаны анықталды. Науқас дереу жансақтау бөліміне жатқызылды. Ал, келесі күні оның толғағы басталды. Перзентхана дәрігерлердің командалық жұмысы мен