Шымкентте 2,5 ай бұрын жоғалып кеткен жеткіншек қыз Қаскелеңнен табылды

12.08.2020, 18:02 azattyq-ruhy.kz

Шымкенттік полицейлер осыдан 2,5 ай бұрын із-түзсіз жоғалып кеткен жеткіншек қызды Алматы облысының Қаскелең қаласынан іздеп тапты, деп хабарлайды Шымкент қалалық Полиция департаментінің баспасөз қызметі. Шымкенттегі Абай аудандық полиция басқармасына қыздың анасы арызданған. Тәртіп сақшылары оны қала аумағынан таба алмаған соң, республиканың барлық өңіріне бағдар жіберіп, іздеу салды. Іздеу жұмыстары тек жуырда ғана нәтижесін беріп, полицейлер қызды анасына аман-есен табыстады. Жоғалған қыздың Қаскелеңде кіммен бірге тұрғаны және не істегені әзірге айтылған жоқ. Оның анасы полицейлерге алғысын білдірді.