Қазақстан Биологиялық қауіпсіздік жөніндегі халықаралық агенттік құруды ұсынады

23.09.2020, 20:30 zhaikpress.kz

БҰҰ Бас Ассамблеясы 75-сессиясының жалпы саяси дебаттарында сөз сөйлеген ҚР Президенті Қасым-Жомарт Тоқаев Биологиялық қауіпсіздік жөніндегі халықаралық агенттік құру туралы айтты. «Дүниежүзілік денсаулық сақтау ұйымының, сондай-ақ, пандемияның алдын алу және оған қарсы күрес саласында жекелеген мемлекеттердің әлеуетін арттыру мақсатында Халықаралық медициналық-санитарлық ережелерді қайта қарау қажеттігі туындауы мүмкін. Біз БҰҰ аясында Аурулар мен биологиялық қауіпсіздікті бақылау жөніндегі өңірлік орталықтар желісін құру идеясын мұқият зерттеуді ұсынамыз», - деді Мемлекет басшысы. Қасым-Жомарт Тоқаев Қазақстан мұндай орталықтың бірін өз аумағында орналастыруға дайын екендігін баса айтты.