Басшы бәріне жауапты

24.09.2020, 21:06 zhaikpress.kz

Бұл туралы бүгін ҚР сыбайлас жемқорлыққа қарсы іс-қимыл агенттігінің облыстық департаментінде басқарма басшыларымен сыбайлас жемқорлыққа қарсы мәдениетті қалыптастыру бойынша өткен кездесуде айтылды. Жиында мемлекеттік қызметшілер арасында сыбайлас жемқорлыққа жол бермеу және оның алдын алу бойынша мәселелер талқыланды. Алдымен сөз алған департамент басшысы Рустам Ақмырзаев сыбайлас жемқорлыққа қарсы іс-қимылда ең бірінші басшының жауапқа тартылатынын атап өтті. - Сыбайлас жемқорлыққа қарсы іс-қимыл еліміздің стратегиялық бағыттарының бірі болып табылады. Агенттік миссиясы – Қазақстан халқының игілігі үшін сыбайлас жемқорлықты жою. Бұл бағытта елімізде кең көлемде іс-шаралар қабылдануда.