Людмила Бюрабекованың қызметінен неге кеткені белгілі болды

25.09.2020, 15:52 aikyn.kz

Денсаулық сақтау министрлігінің ресми өкілі Бағдат Қожахметов вице-министр Людмила Бюрабекованың басқа жұмысқа ауысуына байланысты өз қалауымен қызметінен кеткенін айтты. «Людмила Бюрабекова Денсаулық сақтау министрінің орынбасары қызметінен басқа жұмысқа ауысуына байланысты өз қалауымен кетті. Әзірге оның қайда жұмысқа ауысқаны белгісіз. Белгілі болған кезде өзі немесе мен сіздерге хабарлаймын», – деді Қожахметов брифингте. Еске сала кетейік, 23 қыркүйекте Үкіметтің қаулысымен Людмила Бюрабекова Денсаулық сақтау вице-министрі лауазымынан босатылды.