$300 миллионға кино түсірдік, бірақ ол фильмдердің 70% халықтың есінде жоқ – продюсер

25.09.2020, 16:14 azattyq-ruhy.kz

Тәуелсіздік жылдарынан бері кино түсіруге 300 млн доллар жұмсалған. Алайда, халық сол ақшаға түсірілген туындылардың 70%-ын білмейді. Танымал режиссер Абдулла Қарсақбаевтың ұлы мен келіні осылай деп, Мемлекет басшысы Қасым-Жомарт Тоқаевтың атына үндеу жолдады. Кинематографист Тоқтар Қарсақбаев пен Майра Қарсақбаева – Қазақ КСР-іне еңбегі сіңген өнер қайраткері Абдулла Қарсақбаевтың ұлы мен келіні. Екеуі де ұзақ жылдан бері кино саласында еңбек етіп келеді, продюсер. Олар Президентке жазған хатында ондаған жыл бойы шешімі табылмаған мәселелерге жеке-жеке тоқталып, көмек сұраған. Ең бастысы – ҚазКСР кезіне түсірілген кинокартиналардың әлі күнге дейін Ресейдің мемлекеттік фильм қорында қалуы.