28 қыркүйек – Мұхтар Әуезов, Оралхан Бөкей мен Шерхан Мұртазаның туған күні

28.09.2020, 23:33 almaty.tv

28 қыркүйек – қазақ руханияты үшін, ұлттық әдебиетіміз бен мәдениетіміз үшін ерекше күн, деп хабарлайды Олай болатыны, бұл күні ұлттық әдебиетіміздің 3 бірдей ұлы тұлғасы дүниеге келген. Атап айтсақ, әдебиетіміздің алыбы Мұхтар Әуезов, Қазақстанның халық жазушысы Шерхан Мұртаза, көзі тірісінде-ақ «Алтайдың ақиығы» атанған Оралхан Бөкей. Бұл 3 арыстың артында ұлтымыздың ырысы, халқымыздың құтты қазынасы деуге лайық мол мұрасы, асыл сөздері қалды. Әдебиетіміздің аса көрнекті өкілдері, қазақ руханиятына, мәдениетіне зор еңбек сіңірген ірі тұлғалардың ішінде Мұхтар Әуезовтың орны, әрине, ерекше. Мәскеуде жарық көрген әлемдік классиканың 200 томдығына Қазақстаннан кірген бірден-бір жазушы да, с