Сатып алу құқығымен жалға берілетін тұрғын үйге құжат қабылдау басталды

29.09.2020, 06:50 baq.kz

Нұр-Сұлтан, BAQ.KZ. Елордада сатып алу құқығымен жалға берілетін тұрғын үй алуға құжат қабылдау басталды. Бұл бағытқа қатысуға өтінімді 7 қазанға дейін жіберуге болады. Бағдарламаға тұрғын үй кезегінде тұрған және Нұр-Сұлтан әкімдігіне ведомстволық бағынысты мекемелерінің білім беру, денсаулық сақтау, мәдениет, спорт және әлеуметтік қорғау саласы қызметкерлері, сондай-ақ полиция және төтенше жағдайлар департаменттерінің барлық санаттағы азаматтары қатыса алады, – деп хабарлады елорданың Тұрғын үй қоры. Тілендиев даңғылында, Сары бұлақ бойында орналасқан «Жаңа қоныс» тұрғын үй кешенінен және С.Торайғыров көшесінде орналасқан «Керемет» тұрғын үй кешенінен 224 пәтерді жалға беру жоспарланған.