Карантин тәртібін бұзғаны үшін елордалық түнгі клубқа сегіз рет айыппұл салынды

29.09.2020, 15:59 aikyn.kz

Нұр-Сұлтанның бас санитарлық дәрігері қала тұрғындарын санитария талаптарын сақтауға шақырды, себебі КВИ инфекциясының қаупі әлі де сақталуда, деп хабарлайды әкімдіктің ресми сайты. Елордада карантин тәртібін ең өрескел бұзушылар – тамақтану орындары мен ойын-сауық мекемелерінің иелері. Бұл туралы брифинг барысында Нұр-Сұлтанның бас мемлекеттік санитарлық дәрігері Жанна Пірәлиева айтты. «Кәсіпкерлік субъектілері арасында карантин режимін елемей, бірнеше рет бұзушылар бар. Мысалы, Есіл ауданы Тұран даңғылы 2-де орналасқан Auraclub Alanya жазғы кафесі бар түнгі клуб шектеу және карантин шараларын бұзғаны үшін сегіз рет әкімшілік жауапкершілікке тартылды. Атап айтқанда белгіленген жұмыс уақыты