Кезекші сыныптағы қанша баладан коронавирус анықталды: Министрлік жауабы

01.10.2020, 14:39 inform.kz

НҰР-СҰЛТАН. ҚазАқпарат – ҚР Денсаулық сақтау вице-министрі Ажар Ғиният мектеп оқушылары арасында коронавирус жұқтыру жағдайларына қатысты түсінік берді, деп хабарлайды ҚазАқпарат тілшісі. Орталық коммуникациялар қызметіндегі баспасөз мәслихатында кезекші сыныптарда оқып жатқан балалар арасында коронавирус жұқтыру жағдайлары туралы сұрақ қойылды. «Қазіргі кезде кезекші сыныптар арасында 36 оқиға тіркелді. Осы балалармен байланыста болған 575 оқушы анықталды, олардың арасында да 10 балада анализ оң нәтиже берді. Ауру көбіне балалар арасында симптомсыз немесе жеңіл түрімен өтіп жатыр. Бұл балалардың ішінде бесеуі стационарлық көмекке жүгінді. Оның үшеуінің жағдайы орташа дәрежеде екені анықтал