Қазақстанда ең ұзақ министр болған мен ғана шығармын – Төрегелді Шарманов

19.10.2020, 13:55 baq.kz

*** Мен тегін адам емеспін. Ұлытаудың баурайында бас қосқан қос ғашықтың махаббатының нәтижесінде дүниеге келген, бес жасыма дейін анамды арда емген бір үйдің жалғыз баласымын. *** Соғыстан кейінгі жұпыны жылдар, оқудың керек-жарағы жетіспейді, күйдірген бидайды қаламсия етіп, дәптердің орнына, кітаптың арасындағы ашық жолдарға сыйдырып жазамыз. Мұғалімдердің білімі аздау, көбінесе орта білімнен аспайды, олардың қателерін түзетіп отыратын кездеріміз де болатын… Ол кезде жағатынымыз «пиала» аталатын білте шам, бертінге дейін қолданылып келді. Оқитын бөлмелеріміз суық, күпімен отырамыз, терезеден жел кеулеп, қиыршық қар ұшқындап тұратын. *** Мен мектеп пен институт қабырғасында аса белсенділе