COVID-19 кезінде дене қызуы шамадан тыс төмендеуі де мүмкін – дәрігер

03.12.2020, 10:42 24.kz

Коронавирустық инфекция жұқтырған кейбір науқастарда аурудың аномальды ағымы байқалады, онда дене қызуы шамалы көтерілгеннен кейін күрт төмендейді.Мұндай белгілер туралы иммунолог-аллерголог Владимир Болибок айтып берді, деп хабарлады «Лента.ру».«Кейбір адамдарда 1,5-2 апта бойы жоғары температура болады. Кейбіреулерде жағдай басқаша: олардың екі күн бойы дене қызуы көтеріледі, содан кейін дене температурасы 35 градусқа дейін және одан төмен түседі. Егер коронавирустың жеңіл түрі болса, кейбір адамдардың қызуы нормадан төмен болады», - деді Болибок.Дәрігердің айтуынша, бұл ауру кезінде пациенттің ағзасындағы зат алмасудың реттелуі жоғалатынын көрсетуі мүмкін.