Еліміздің бірнеше аймағында жолдар ашылды

24.01.2021, 11:58 baq.kz

Бұл туралы ИИДМ баспасөз қызметі хабарлады. Ақмола облысында 24 қаңтарда сағат 12.00-де «Нұр-Сұлтан – Петропавл» тас жолы 18-231 км, Нұр-Сұлтан – Щучинск қаласы учаскесі бойынша қозғалыс ашылды. Жамбыл облысында 24 қаңтарда сағат 08.30-да «Алматы – Ташкент – Термез» автожолы, 536-593 км, Айша-бибі А учаскесі – Түркістан облысының шекарасы. Тараз – Шымкент жолындағы шектеуі алынып тасталды. Қозғалыс автокөліктің барлық түрі үшін қалпына келтірілді. Қатты желдің салдарынан Қордай-Благовещенка трассасы (жаңа асу – бетонка) жабылды. Қозғалыс ескі асу (Қордай – Отар) бойынша жүргізіледі. Түркістан облысында 24 қаңтарда сағат 08.45-те «Алматы – Ташкент – Термез» автожолы бойынша қозғалыс ашылды.