Голливудты бағындырған каскадерлеріміз «Таурус» сыйлығына ие болды

25.01.2021, 19:26 khabar.kz

Кино саласында каскадерлік «Оскар» саналатын «Таурус» сыйлығы Алматыға келді. Өткен жылдың күзінде Жайдарбек Күнғожинов жетекшілік ететін Nomad Stunts тобы әлемдік каскадерлер академиясының «Таурус» сыйлығына ие болған еді. Коронавирустың кесірінен марапаттау рәсімі онлайн форматта өткен. Араға біраз уақыт салып, қола мүсін жеңімпаздарға табыс етілді. Бұл сыйлық қазақстандық каскадерге режиссер Ақан Сатаевтың «Томирис» тарихи драмасындағы трюктері үшін табысталды. «Таурус» сыйлығы әлемнің ең үздік экшн-мамандарына беріледі. «Осы марапатқа ие болсақ», – деп армандамайтын каскадер жоқ шығар. ҚР Еңбек сіңірген қайраткері Жайдарбек Күнғожинов қола мүсінге ие болуын тынымсыз еңбектің жемісі деп