Түркістан облысында вакцина әуелі медицина қызметкерлеріне салынады

26.01.2021, 02:14 baq.kz

Бұл туралы Түркістан облыстық қоғамдық денсаулық басқармасының басшысы Марат Пашимов Өңірлік коммуникациялар қызметінде өткен брифингте мәлімдеді. Оның айтуынша, бүгінгі таңда облыс бойынша 2021 жылдың 1 қаңтар мен 25 қаңтар аралығында COVID-19 расталған 327-жағдай анықталған. Бұл - 100 мың халыққа шаққандағы интенсивтік көрсеткіш 16,2 құрайды. Оның ішінде: симптомдармен-59 жағдай, симптомдарсыз-268 жағдай тіркелген. Сондай-ақ брифингке қатысқан Түркістан облысының Бас мемлекеттік санитариялық дәрігері Нұрбек Нышанов карантин талаптарын бақылайтын мобильді топтардың жұмысын баяндады.