Қарағандыда «Қазақ еліне мың алғыс» ескерткішіне гүл шоқтары қойылды

01.03.2021, 15:26 baq.kz

Каскад алаңында, ескерткіштің жанында ҚХА, этномәдени бірлестіктер, «Жаңғыру жолы» жастар қозғалысының мүшелері мен еріктілер жиналды. Бұл туралы Қарағанды облысы ҚХА баспасөз қызметі хабарлады. Шара барысында аға буын естеліктерімен бөлісті, ал жастар өлеңдерімен ризашылықтарын білдірді. Еске сала кетейік, қиын жылдары депортацияланғандарды қолдаған қазақ жері мен халқына деген алғысты білдіретін ерекше мүсіндік композиция екі жыл бұрын Қарағанды облысы корей этномәдени бірлестігінің бастамасымен пайда болды. Облыстық корей этномәдени бірлестігінің төрағайымы Лилия Ким естелік белгінің символикасы туралы айтып берді.