Қазақстанда апта ішінде болған тағайындауларға шолу

08.03.2021, 02:48 turkystan.kz

Осы аптада еліміздің орталық және жергілікті атқарушы органдарында бірқатар кадрлық ауыс-түйіс болды. Президенттік жастар кадр резервінің төрт өкілі басшылық лауазымға тағайындалды. 1-7 наурыз аралығында болған тағайындауларға жасалған шолуды ұсынамыз. Апта басында ҚР Үкіметінің қаулысымен Ержан Ерікұлы Біржанов ҚР Еңбек және халықты әлеуметтік қорғау вице-министрі қызметіне тағайындалды. Ержан Біржанов 1979 жылы Солтүстік Қазақстан облысында дүниеге келген. Еңбек жолын 1999 жылы СҚО бойынша Салық комитетінің жергілікті салықтар секторының аға инспекторы болып бастады. 1999 жылдан 2004 жылға дейін СҚО бойынша Салық комитетінде жұмыс істеді. 2004 жылдан 2014 жылға дейін ҚР Қаржы министрлігін