Ауа райы. Еліміздің 5 облысында ескерту жарияланды

11.04.2021, 20:43 baq.kz

Нұр-Сұлтан, BAQ.KZ. Қазгидромет 12 сәуірдегі ауа райына байланысты Қазақстанның 5 өңірінде ескерту жарияланды. Түркістан облысының кей жерлерінде найзағай, шаңды дауыл, бұршақ болуы ықтимал. Солтүстік-шығыстан соғатын желдің жылдамдығы 23-28 м/с жетуі ықтимал. Шымкент қаласында 12 сәуірде таңертең және күндіз найзағай күтіледі. Солтүстік-шығыстан 15-20 м/с желдің күшеюі күтіледі. Маңғыстау облысының кей жерлерінде шаңды дауыл күтіледі. Шығыстан, оңтүстік-шығыстан соққан желдің жылдамдығы 15-20 м/с жетеді. Ақмола облысында түнде және таңертең кей жерлерінде тұман күтіледі. Қарағанды облысында кей жерлерінде тұман күтіледі. Солтүстік-шығыстан жел соғады, күші кей жерлерде 15-20 м/с күтіледі.