Қазақстандық теннисшілер Хорватиядағы турнирдің жеңімпазы атанды

12.04.2021, 21:23 aikyn.kz

Қазақстандықтар Александр Недовесов пен Андрей Голубев жұптық сында Хорватиядағы Сплит челленджер турнирінің жеңімпазы атанды, деп хабарлайды ҚТФ баспасөз қызметі. Қазақстандық жұп финалда Польша өкілдері Шимон Валков – Ян Зелинскимен чемпиондық атақты сарапқа салды. Бірінші партияда қазақстандықтар басымдылық көрсетті – 7:5. Екінші сетте Польша жұбы тай-брейкте қайсарлық танытты – 7:6 (7:5). Шешуші тай-брейкте А.Недовесов пен А.Голубев жеңісті жұлып алды – 10:5. Тартысты бәсеке 1 сағат 46 минутқа созылды.