Елордада мас жүргізуші алты көлікті соғып барып тоқтады

17.04.2021, 21:25 inform.kz

НҰР-СҰЛТАН. ҚазАқпарат - Елордада мас күйде көлік басқарған жүргізуші көлік тұрағында тұрған 6 көлікке зақым келтірді, деп хабарлайды ҚазАқпарат қалалық ПД баспасөз қызметіне сілтеме жасап. «Апат салдарынан ешкім жапа шеккен жоқ. Осы іс бойынша жүргізушіге ҚР Әкімшілік құқық бұзушылық туралы кодексінің 608-бабының 3-бөлігі бойынша іс қозғалды. Сот үкімі бойынша жүргізуші кінәлі деп танылды. Ол 20 тәулікке қамауға алынады және 7 жыл көлік жүргізу құқығынан айырылды. Көлік коммуналдық тұраққа қойылды» делінген хабарламада.