Бокстан әлем чемпионаты: Қазақстандық үш спортшы жарысты жалғастырады

18.04.2021, 22:42 inform.kz

НҰР-СҰЛТАН. ҚазАқпарат - Польшаның Кельце қаласында өтіп жатқан жастар арасындағы әлем чемпионатында қазақстандық боксшылар қатысқан бірқатар жекпе-жек нәтижелері белгілі болды, деп хабарлайды ҚазАқпарат Қазақстан бокс федерациясына сілтеме жасап. Елорда уақытымен 18.00-де күндізгі сессия басталған болатын. Онда қазақстандық төрт былғары қолғап шебері шаршы алаңда бәсекеге түсті. Үшеуінде жеңіске жетсе, біреуінде қарсыласына есе жіберіп қойды. Қыздар арасында 57 келіде сынға түскен Назерке Серік 1/4 финалда үндістандық қарсыласына есе жіберіп қойды. Осылайша жарыс жолынан шығып қалды. Келесі кезекте қазақстандық Елдана Тәліпова (81 келіден жоғары) украиналық Виктория Левчукті айқын басымдық