Әнші Толқын Забирова коронавируспен екінші рет ауырып қалды

19.04.2021, 15:36 inform.kz

АЛМАТЫ. ҚазАқпарат -Танымал эстрада және опера әншісі Толқын Забирова коронавирус инфекциясын екінші рет жұқтырып алды, деп хабарлайды ҚазАқпарат. Бұл туралы әнші өзінің Instagram-дағы «Екінші рет ауырып қалу мүмкін емес, деп жүріп...Антителаның арқасында жеңілірек өтіп жатыр. Тек мамама ауыр болып тұр. Жасы -74. Алла шипасын берсін мамама»,- деп жазды әнші. Сонымен қатар, ол уақытында вакцина алған дұрыс екенін атап өтті. «Дер кезінде прививка алған дұрыс екен. Бір-ақ осындай жаста, үлкендерге салдыруға боларма екен?! Бәріміз аман болайық, ауырып жатқандарға Алла күш-қуат беріп, мына індеттен құтылып, мереке күндерде бас қосайық, достар»,- деді Толқын Забирова.