Гүлшара Әбдіқалықова облыс тұрғындарына үндеу жасады

21.04.2021, 12:38 inform.kz

ҚЫЗЫЛОРДА. ҚазАқпарат - Қызылорда облысы эпидемиологиялық жағдайды бағалау матрицасына сәйкес 21 сәуірден бастап «сарыдан» «қызыл аймаққа» ауысты. Осыған байланысты аймақ басшысы Гүлшара Әбдіқалықова тұрғындарға үндеу жасады, деп хабарлайды ҚазАқпарат тілшісі. «Бүгін облысымыз «қызыл аймаққа» енді. Бұл қуанатын жағдай емес. Пандемия басталғаннан бергі уақытта өңірде 4890 жағдай тіркелген. Әлемді дүрліктірген індеттің беті қайтар түрі жоқ. Соңғы уақытта вирус жұқтырғандардың саны тым көбейіп барады. «Қамысты бос ұстасаң, қолыңды кеседі» дейді дана халқымыз. Сақтық шараларына мән беруді ұмытсақ, қөзге көрінбейтін тажалдың кез келген сәтте қатер төндірері анық. Оны тек сақтану арқылы ғана жеңе