Прокуратура кәсіпкерлерді жауапқа тарту туралы 28 мың шешімнің күшін жойды

16.06.2021, 16:24 inform.kz

АЛМАТЫ. ҚазАқпарат - Алматы прокуратурасы бизнесті қорғау жұмыстары туралы айтты, деп хабарлайды ҚазАқпарат тілшісі. Қала прокурорының бірінші орынбасары Берік Адамовтың айтуынша, Алматы қаласында прокуратура қызметкерлері мораторий кезеңінде мониторинг пен талдау жүргізу арқылы екі мыңға жуық заңсыз тексерудің алдын алды. Соның ішінде жұмыспен қамту орталығының заңсыз тексеру жүргізіп жатқан жерінен 112 рет ұсталғанын атап өтті. «Орталық «Еңбек» мемлекеттік бағдарламасы бойынша гранттардың мақсатты пайдаланылуын қадағалау дегенді ілік етіп, іс жүзінде шағын кәсіпкерлік субъектілеріне 112 тексеру жүргізген. Тағы алда жоспарланған осындай 1,2 мың тексеру шарасын өткізу алдын ала тоқтатылды.