Нұр-Сұлтаннан Алматыға ұшып шыққан ұшақ елорда әуежайына қайта оралды

16.06.2021, 16:24 inform.kz

НҰР-СҰЛТАН. ҚазАқпарат – Нұр-Сұлтаннан Алматыға ұшып шыққан ұшақ елорда әуежайына қайта оралды, деп хабарлайды ҚазАқпарат тілшісі. Нұрсұлтан Назарбаев халықаралық әуежайы баспасөз қызметінің мәліметінше, оқиға «Нұр-Сұлтан-Алматы» бағытындағы КС7056 рейсінде орын алған. «Ұшақ сағат 14:34-те ұшып кетіп, техникалық себептерге байланысты қайтып оралды. Әуе кемесін ауыстыру жүргізіледі», - деді әуежайдың баспасөз қызметінен. Алдын ала мәліметке сәйкес, аталған бағытта ұшақтың ұшып кетуі сағат 23:40-қа жоспарланып отыр Ал Алматы әуежайының онлайн-таблосындағы ақпаратта Fly Arystan әуе компаниясының Airbus A32 үлгідегі ұшағының бүгін кешігетіндігі көрсетілген.