Тоқаев жаңадан сайланған ауыл әкімдерімен кездесті

27.07.2021, 16:25 nege.kz

Президент Қасым-Жомарт Тоқаев жаңадан сайланған Ақмола облысының ауыл әкімдерімен кездесті. Алматы, NEGE. Президент ауылдардың, аудандық маңызы бар қалалар мен ауылдық округтердің басшыларының тікелей сайлауы саяси жаңғырудың жаңа кезеңін білдіретін маңызды әрі тарихи оқиға екенін айтты. "Шын мәнінде, ел тарихында осындай сайлау алғаш рет ашық әрі әділ өткізіліп отыр. Халық тарапынан ешқандай шағым түспеді. Мұндай сайлау болған емес. Біз сайлауды біреуге ұнау үшін емес, азаматтардың тұрмыс сапасын жақсарту үшін өткіземіз", - деді Қасым-Жомарт Тоқаев. Мемлекет басшысы бұл сайлаудың ауылдағы ағайынға өз әлеуетін толық пайдаланып, елді мекендерді дамыту үшін жаңа мүмкіндік беретініне тоқталды.