Токио-2020: Қола жүлде үшін тартыста Елена Рыбакина жеңіліп қалды

31.07.2021, 17:46 baq.kz

Нұр-Сұлтан, BAQ.KZ. Қазақстандық теннисші Елена Рыбакина Токио Олимпиадасында қола жүлде үшін өткен матчта жеңіліп қалды. Елена кіші финалда әлемнің 6-ракеткасы, украиналық Элина Свитолинаға қарсы ойнаған болатын. Тартысты матчтың бірінші кезеңін 6:1 есебімен Рыбакина өз еншісіне жазды. Екінші сетте ойын тай-брейкке дейін жалғасып, қазақстандық спортшы 6:7 есебімен тізе бүкті. Үшінші сетте Елена Рыбакина 4:1 есебімен алда тұрып, нәтижесінде 4:6 есебімен қарсыласқа жол берді. Осылайша, ол қола жүлдеге қол жеткізе алмады. Десе де Қазақстан теннисінің тарихында алғаш рет Олимпиадада төртінші орын иеленіп отыр.